Da Barcola alle Rive in motonave
andar val più de una crociera.
Co’ se allontana la scogliera
guardar oltre la spiuma.
Le casette butade
sul coston come sassetti,
più su ancora el bianco de la piera fin el nigra,
che guarnissi el brullo con le franze de contro al ciel,
dove comincia el Carso.
In basso, sora l’onde, se defila el Porto Franco,
scheletro distirà de magazini svodi:
nianche una vecia barca a farghe compagnia.
Poco più su,
al Porto parallela,
ma non più per lui, passa la ferrovia.
Più sora ancora ghe xe l’alto bianco faro mostrar el ciel disendo:
“Anche se no xe navi mi fazo sempre ciaro”.
Ma za’ la xe finida e pian va el ferro al molo.
La’ grandi palazzi bianchi
se scalda al sol che cala.
Xe quel del Lloyd defunto,
l’Excelsior maestoso,
la Pescheria stravolta,
la Marittima stazion senza clienti,
la Piazza grande, con sassi novi e za stenti…..
Sul svodo golfo i ricorda
transatlantici e rimorciadori.
E navi a portar merci senza fine,
co’ tutto pareva eterno…..
E verso Miramar che sta là in fondo,
splendido diadema senza re,
sussurra tutti  a ogni onda:
“gruss, Gott, gruss Gott”
sognando ancora tante navi alla fonda.